HomeAdSense

Adsense CTR Kya Hai (What Is Click Through Rate)

Online marketing me CTR ( Click Through Rate ) bahut hi important hoti hai, Ye Advertiser aur Publisher dono ke liye aham hoti hai. CTR khaas kar adsense ke liye ek important factor hoti hai.

Adsense me ctr kya hai aur ctr kaise increase kare

Jitne bhi advertiser hote hai wo sab wahi ads create karte hai jinki CTR rate High hoti hai aur Publisher ko bhi wahi advertisement diye jate hai apne site me show karne ke liye jinki CTR adhik hoti hai.

Adsense se earning karne ke liye Click Through Rate ka adhik hona bahut hi jaruri hota hai bina iske aap adsense se achi kamai nahi kar sakte hai waise adsense me CPC ka bhi adhik hona jaruri hai par dono ko aapko maintain rakh kar chalna hota hai.

Jis tarah CPC adsense se adhik earning karne ke liye jauri hota hai usi tarah CTR bhi site aur publisher ke liye ek jaruri term hota hai.

CPC kitni hi kam kyu na ho chalega usse aapko farak nahi padta lekin agar kisi tarah CTR rate Low hua to phir adsense aapko ads nahi deta hai aur aapke account ko close kar deta hai.

CTR kam kyu ho jati hai? Iske low hone ke bahut se reasons hote hai lekin sabse am reason ads me click na hone ki wajah se ye low hoti hai.

Advertiser bhi chahte hai ki unhe ache clicks mile aur aapke blog me adsense ke ads par clicks hi kam hogi to unhe aapko advertisment dene ka kya matlab banta hai.

Isme unka bhi waste of time hai aur apka bhi isliye aapko adsense apply karne se pahle in bato ka dhyan rakhna chahiye aur khas kar traffic ke bare khyal rakhna chahiye.

Har ek sites aur blog ke liye traffic unke engine ki tarah work karti hai aur traffic hi decide karta ki aapko ish site se earning kitni hone wali hai.

Agar aap Low traffic Site me ads lagayenge to usse earning na ke barabar hogi aur adsense ki CPC, CTR bhi dhire dhire kam hoti chali jayegi isliye aapko sabse pahle traffic ke bare sochna chaiye.

Kuch logo ke traffic kam hone ke baad bhi wo achhi adsense se achhi earning kar lete hai kyuki wo work ke saath saath smart work bhi karte hai niche mai kuch tips aapko batane wala jisse aap adsense ki CTR increase kar sakte hai.

Lekin usse pahle chali ye jante ki adsense me ctr kya hota hai.

Kuch logo ko sirf cpc ke bare pata hota hai aur ctr ko wo lightly lete hai wo yahi par galti karte hai adsense par aapko CPC ke alawa aur bhi terms ke bare me jankari rakhni chahiye.

Google Adsense Me CTR Kya Hai?

CTR ka matlab ( click Through rate ) hota hai aur ye advertisement click / advertisment views ka result hota hai, Agar simple bhasa me kaha jaye to ye ads me clicks ki sankhya aur reader dwara ads views ki sankhya ka vibhajan hota hai, Ise easily samjhne ke liye aap niche diya iska formula dekh sakte hai –

CTR = Click/Impression

Ise hindi me samjhna itna asan nahi hai par mai aapko usse samjhane ki puri kosis karunga.

Aap apne adsense ka Click Through rate kaise pata kar sakte hai?

Maan lijiye ki apke blog par ek AD ko 100 logo ne dekha aur sirf 10 hi logo ne uspar click kiya to aapke adsense ki Click Through rate 10% hogi, Iska percentage aap upar diye formule se easy nikal sakte hai ise samjhane ki aapko jarurat nahi hai.

Maine upar aapko ye bataya hai ki CTR achhi hone se income bhi achhi hoti hai par ye jaruri nahi hai ki aapki income bhi achhi hi ho kyuki isse income to achi hoti hai par ye ads aur unki placement par depend karta hai.

kuch logo ka kahna hai ki unke Click Through Rate ratio achhe hone ke baad bhi earning jyada nahi hoti hai aisa advertisement ki quality low hone ki wajah se hoti hai agar aapko adsense se achhi earning karni hai to Click Through Rate ke sath sath advertisement quality par bhi dhyan dena chahiye.

Aise ads ko ignore kare jinki CTR rate kam hoti hai, Chaliye mai iska ek example apko batata hu –

Ek blog hai jisme ki 30 click per day hoti hai aur uski daily ka income 5$ hai aur ek dusra blog hai jisme 20 Clicks hi hote hai but uski Income 10$ hai aisa kyu?

Kyuki usne apne blog me high quality ki ads blog me achhi jagah placement ki hui hai aur un advertisment ki click through rate bhi achhi hai.

High quality ads jinki rate adhik hoti hai un par click karne se aapko jyada fayda hota hai aur High Quality ads ke liye aapko apne blog me quality post likhne ki jarurat hoti hai. Ye aise post hoti hai jinki traffic Google se aati hai.

Google Adsense CTR Kaise Increase Kare?

Aap sabko pata hai ki tech Blog ke liye Google Adsense hi ek aisa advertisement network hai jis ka use aapko karna chahiye.

Adsense ko use karne se pahle apko uske Terms and Condition ke bare jan lena bahut hi jaruri hai.

Jo blogger iske terms ko follow kar ads ko apne blog me lagata hai unki earning bakiyo se sabse jyada hoti hai.

Adsense se adhik paise kamane me log kyu failed hote hai kyuki wo adsense ke terms ko sahi se follow nahi karte hai.

Click Through Rate increase karna itna aasan nahi hai kai bloggers ka high traffic hone ke baad bhi earning low hoti hai unka kahna hota hai ki unke ads me jyada clicks nahi hote hai aisa faltu ke ads ko galat jagah par placement karne ki wajah se hota hai.

Waise iske aur kai bade reasons hai jinko me niche mention karne wala hu chaliye jante hai ki click through rate ko increase kaise karte hai?

  • Organic Traffic – Blog ke kam se kam 50% organic traffic aani chahiye, Matlb blog me aadhe Visitors search engine se aane chahiye khas kar google search se, Ye click through rate badhane me bahut helpful hote hai, search engine se traffic pane ke liye aapko quality blog post likhne ki jarurat padti hai.
  • Responsive Sizes Of Advertisement – Ads ko apne blog me lagane se pahle uske size ko ek baar check kar, Size jyada nahi hona chahiye aur na hi kam, Ise bilkul responsive banaye aise ads ka use kariye jisko visitor aasani se dekh sake.
  • Block Low CPC Ads or Sites – Adsense me show hone wale ads unit me se kuch ads ki CPC bahut kam hoti hai aise ads ko aapko block karne ki jarurat hoti hai but dhyan rahe sabhi Low CPC ads ko block mat kare.
  • Better Ads Placement – Click na milne ka ek karan placement bhi hota hai ads ko aise jagah lagakar rakhe ki clearly blog open karte hi visitor ki najar us par pade.
  • Use Both Display And Text Ads – Blog me text aur display ads unit dono ko lagakar rakhiye isse visitors ke clicks ke chances badhte hai aur CTR bhi increase hone ke chances me badhotri aati hai.

Toh dosto ye the kuch tips Click Through Rate increase karne ke agar aapko ise increase karne ke bare aur jankari chahiye to aap yaha comment kar jankari prapt kar sakte hai, adsense se earning karna jitna aasan hai utna ye riskey bhi hai dosto mai aapse request karuga ki jitna ho sake aap google ke terms ko follow karke hi uske service ka ka use kare jitna aap google ko samjhenge utna aap aur aapke blog ke liye ye acha hai.

Ummid hai dosto aapko hamari ye jankari Adsense me CTR kya hai aur ise kaise Increase kare? pasand aayi hogi agar aapko ish post se related kuch sawal puchna hai to wo aap hame comment kar puch sakte hai.

Agar aapko hamari ye post pasand aayi to ise apne dosto aur social media me jarur share kare.

Comments (54)

Leave a Reply

Your email address will not be published. Required fields are marked *

Share
Tweet
Share
Pin
Share